Sportello della Lingua e della Cultura Sarda
UFITZIU DE SA LIMBA SARDA DE SU CUMUNU DE SAMUGHEO
Finalidades
Cun is finantziamentos chi nd’enint de a sa lege de s’Istadu italianu n. 482 de su 1999, NORME IN MATERIA DI TUTELA DELLE MINORANZE LINGUISTICHE STORICHE, funt istados istituidos is isportellos comunales po sa tutela de is limbas e culturas minoritarias.
Fintzes su Cumunu de Samugheo tenet unu de custos isportellos, s’Ufitziu de sa limba sarda, chi srebit po agiudare a difondere su sardu in mesu de is dipendentes publicos e is citadinos e tenet custas finalidades:
- essere su logu inue totu is samughesos tenent su deretu de foeddare sa limba issoro e de bennere cumprendidos;
- mudare is atos uficiales, is leges, de a s’italianu a su sardu;
- informare sa gente a pitzu de is leges de sa limba sarda e de su sardu;
- cricare de faere umperare su sardu in is uficios publicos, in su cunsigiu comunale e in is atros entes;
- ponnere in motu initziativas po avalorare e po faere imparare sa limba sarda.
Chi tenes calecuna duda a pitzu de su sardu o bisongiu de mudare calecuna cosa de a s’italianu, comente poesias o contos po patecipare a cuncursos, o boles ischire comente s’iscriet unu foeddu in sardu, passa in s’ufitziu, nd’aus a foeddare paris.
Allegati:
- Lege Regionale n. 26 de su 1997
- 1° classificadu de su cuncursu "Santa Maria de Mesu Mundu" 2009- Iscritu de a Sandro Biccai
- 2° classificadu de su cuncursu "Santa Maria de Mesu Mundu" 2009- Iscritu de a Gonario Carta Brocca
- 3° classificadu de su cuncursu "Santa Maria de Mesu Mundu" 2009- Iscritu de a Micheli Podda